寒韓之旅2012:Day 1 美妝護膚品血拼重鎮 明洞명동(1)Too Cool for School

因為敝人事忙又丟下忘記要更新了，現在繼續大半年前的行程!
話說我在八月份又要去韓國囉! 這次是去一個月左右的，掛名上是參加暑期語言課程，其實是去玩的 :O

(以下文章用廣東話進行)

終於到明洞啦!整個行程都因為未換到錢而被打亂。

首先映入眼廉既係UNIQLO(其實呢間係咪就係旗艦店?)

原本打算入去買野HEAT TECH/羽絨頂頂，但發現原來比香港貴好多，幾十蚊到!

所以就打消左呢個念頭啦。

係明洞地鐵站出黎左手面就有一間兌換所，幾方便但係兌率只有136/137左右架咋，
行入幾條街就會有高少少，我換果間係140，

係HOLIKA HOLIKA對面既巷仔，識講國語既所以都好方便。

大家可以係明洞行一陣望下唔同幾間既匯率先換錢。

 係NATURE REPUBLIC後門發現既SJ 既六輯海報<3

呢個時候要勁影下男人先:P

唱完錢之後就開始瘋狂買野啦!

第一站係TOO COOL FOR SCHOOL

由於太興奮無影到相，GOOGLE返明洞個樣俾大家睇。

其實好易搵架一直路出左站行就會見到，佢每幾個月就會轉一次主題，我今次去仲係Halloween！
入面既店員唔會理你架，如果你無問佢野既話佢會由你自己行自己慢慢試！
超鐘意，於是係入面幾乎試曬所有Product之後就買左十幾萬野啦!

出發前＋本來美妝控性格已經做左好多RESEARCH，
發現呢間野真係好多日本妹鐘意去，每次路過都會見到金髮女仔係入尾咁濟（非職員）！
而家入面既野單價真係唔高，同你平時行屈人氏既牌子都差唔多但功效質料全部都好好！

率先入去見到既就係出名既BB CREAM

l   Pudding BB Cream 

呢個朋友仔買左，試上手真係保濕幾好，但唔方便既係要不出黎先用到，
我呢Ｄ懶人又貪方便既就無考慮啦
（之前用緊既Holika Holika Aqua Gel BB CREAM都係咁用法，所以唔想買返差唔多樣既）

l   Lunch Box BB Cream

最特別既地方就係集BB Cream,遮瑕同埋Highlight一盒，出街好方便，但呢隻BB CREAM比較乾身。而且遮瑕同埋Highlight既色未必人人岩用，要試上手先知!

l   我最後買左既係DUAL COVER BB CREAM SPF30 PA++! 

因為我主要想買D遮瑕好，可以修飾唔會太乾太厚妝既BB CREAM。
試完咁多隻真係呢隻最岩!佢仲連埋遮瑕膏係上面,
附加既鏡仔對於近視既人同埋上遮瑕膏既時候真係超方便! 22000 Won!
l   仲有買到Blending Cake BB 粉餅，係護膚精華加埋粉底，用上手幾滑幾自然於是買左啦。用完BB CREAM或者CC CREAM覺得遮瑕唔夠可以最後加~

最新出既恐龍誌Line，見到咁可愛既手繪畫包裝真係忍唔到手！
但係買野一定要理智MODE!於是繼續試！
眼線係生命既我於是又試曬人地全家既眼線啦XD最後簡左以下幾樣妝品：

l   

     Dinoplatz High-line(黑)：一上手就非常顯色，據說佢30秒之後就會完全防水防暈，
但平時趕住出門邊有30秒咁多！？於是我十五秒未夠就開始用手捽…捽唔甩！
本人用過既無數眼線都好易捽甩未到下晝已經甩到黑曬…就連大牌BXXXX 啡都係，
咁點可以唔買呀-_-12,000有小貴但都抵!

        試用左幾次之後發現都係會有少少甩.......我既大油眼呀唉!

l   Dinoplatz Lost Identity 

       

其實我唔肯定係唇線定係唇膏，
但佢顯色度太好！綠色係最自然既但我買左粉紅色J 11000

l   Sienna Silky BB Pact SPF30 PA+++ 

      粉好細致！定妝一流！

l   1 Day Tattoo Waterproof Eyeliner：

        又係一唔會甩既招牌眼線，
購入啡色!因為友人用完第一日太好用第２日再入手! 8000 won

l   Milk Tint:

染色唇蜜:上手試既顏色太令+上又係朋友用完一日都無甩色咁濟！
買左橙色，查落去好精神:P! 6000

l   Twin Color Eye Crayon: 

        超顯色既眼影，都係佢另一主打產品，
但係單盒既無岩我既顏色，唔太岩日常妝容，
所以最後買左呢隻既White Pink+ Dark Purple粉紅＋紫，12000好抵!

        記得要買埋佢專用既刨呀，因為出面買唔返架!

l   我無買到果兩隻香膏…因為覺得都幾俗:P
另外要讚既係佢店內有足夠同好用既卸妝水！一路試一路落唔怕會污濁LAM撻走出街XD

l   買左3支ANGEL HAND HANDCREAM，而家買3支(唔同味就會一塊MASK送啦)
個人覺得SHEA BUTTER最好味，但幫人買所以廢事簡啦 :P

試用：目前只係用左佢既洗面
因為無帶到洗面去-__________-我只可以話各位唔好買，乾到我面紅曬同刺痛！
雖然佢既化妝品真係好好，但睇黎洗面護膚方面仲要改善下！

聽日會繼續講其他血拼鋪頭